அருள்நாம மந்திராமிர்தம் - திருஅருட்பிரகாச வள்ளலார் திருச்சந்நிதி முறையீடு - 3 - தொழுவூர் வேலாயுதனார் இயற்றியது - Thozhuvur Velayuthanar

அருள்நாம மந்திராமிர்தம்:


வாய்மணக்குற மனமெலா மணக்க வையம்வானக மற்றுள மணக்கத்

தூய்மணத்த மாமறை முடிமணக்கத் தூயவாகமத் தொல்சிர மணக்கத்

தாய்மணக்குறுங் கருணையினாயென் றாலைமணக்குறத் தரித்தபூங் கழல்கள்

எய்மணத்த ஷண்முக சிவகுருவோ மிராமலிங்கவோஞ் சிவாயசற் குருவோம்.



திவ்விய நாமாமிர்தம்:

பழுத்தமெய் யன்பின்சுவை முழுதுண்ட பாதவோம் பசுபதி சிவசிவவோம்

முழுத்த மூடனே னுளங்குடிகொண்ட மூர்த்தியோ மருட்டீர்த்தவோஞ் சிவவோம்

விழுத்தகுந் திருத் தில்லையம் பலத்து வேதியோ முத்தி வித்தகவன்பு

வழுத்தவோ மரகரகர சிவவோம் அருட்பிரகாச வோரு ஜெயஜெய ஜேஜே.


எண்ணுமெண் ணங்களெண்ணியவண்ண மினிதுணர்ந் தேழையோங்களுக்கருளும்

வண்ணவோ மருள்வண்ண செவ்வண்ண மாய்வந்தகப்பட்ட மாகழன்முடியாப்

பண்ணநல்லருள் பண்ணியவெங்கள் பண்ணவ பழமறை முழுதேத்தும்

அண்ணலோ மரகரகர சிவவோம் அருட்பிரகாச வோஞ் ஜெயஜெய ஜேஜே.