முருகதாச சுவாமிகள் என்றும்,
திருப்புகழ் சுவாமிகள் என்றும் விளங்கிய
திருப்புகழ் சுவாமிகள் என்றும் விளங்கிய
ஸ்ரீமத் தண்டபாணி சுவாமிகள்,
நமது திருஅருட்பிரகாச வள்ளல் பெருமானார் மீது பாடிய
வினாப்பதிகம் பதிகம்.
பதிக விளக்கம்: நமது திருஅருட்பிரகாச வள்ளல் பெருமானார் மீது பாடிய
வினாப்பதிகம் பதிகம்.
இப்பதிகம் நமது பெருமானின் வருகை தாமதமாகுதல் குறித்து கேள்வி எழுப்புதல் என்னும் முறையில் அமைந்துள்ளது,
நமது பெருமானின் சித்திவளாக பேற்றினை அடுத்து அவரின் வருகையை குறித்து இறைவன் ஸ்ரீமத் தண்டபாணி சுவாமிகளிடம் உரைத்த செய்தியை முன்னர் அனுபவ பதிகமாக பாடினார், பின்னர்,
பெருமானார் வருகை தாமதமாகுதல் குறித்தும், அப்படி தாமதமானால்,
நீ(இறைவன்) என்னிடம் வில்லிப்பாக்கம் என்னும் ஊரில் வள்ளல் பெருமானின் வருகையை குறித்து சொன்ன செய்திகள் பொய்யாகுமே,
அல்லது நான் உன்னுடைய வார்த்தை உலகவர்க்கு சொன்னது என்று நிசமாகும் என்று இறைவனிடம் கேள்வி கேட்பதாக உள்ளது,
எனவே இப்பதிகம் வினாப்பதிகம் என்று பெயர் பெற்றது.
===============
வினாப்பதிகம்:
நேரிசை வெண்பா
திருஅருட்பிரகாச வள்ளலார் திருவடிகள் வாழ்க!
இன்னம்வட லூரா னெழுந்திடவேன் செய்தில்லாய்
என்னவொரு பதிக மெத்தவென்னுட் - சொன்னசிவன்
தன்னருளோர் சாட்சி தமியேன் மனஞ்சாட்சி
சின்னதலாட் சத்தியஞ் சாட்சி.
பதம் பிரிக்கப்பட்ட செய்யுள்:
இன்னம்வட லூரான் எழுந்திடஏன் செய்தில்லாய்
என்னஒரு பதிக மெத்தஎன்னுட் - சொன்னசிவன்
தன்னருள்ஓர் சாட்சி தமியேன் மனம்சாட்சி
சின்னதலாட் சத்தியஞ் சாட்சி.
==============
எண்சீர் விருத்தம்
அரக்கரிற் றலையாய சிற்சி லர்க்கு மளவிலா வர மருளிய சிவனே
கரக்கு நெஞ்சுடைக் காதகர் வாழ்வு கண்டறாப் பெருங் களியடைந் தனையோ
பரக்கு நீர்த்தடஞ் சூழ்தரு வில்லிப் பாக்கத் தென்னோடு பகர்ந்தமை நிசமேல்
இரக்கமே வடிவாம் வடலூ ரானின்னம் ஏனெழுந் திடப் புரிந்திலையே?. - 1
பதம் பிரிக்கப்பட்டது:
அரக்கரில் தலையாய சிற்சி லர்க்கும் அளவிலா வரம் அருளிய சிவனே
கரக்கு நெஞ்சுடைக் காதகர் வாழ்வு கண்டறாப் பெருங் களியடைந் தனையோ
பரக்கு நீர்த்தடஞ் சூழ்தரு வில்லிப் பாக்கத்து என்னோடு பகர்ந்தமை நிசமேல்
இரக்கமே வடிவாம் வடலூரான் இன்னம் ஏன்எழுந் திடப் புரிந்திலையே?. - 1
============
கனியைநே ரிதழ்ச்சிவை யோடும்வடி வேற்கந்த வேளொடுங் காளையிற் றிகழ்வாய்
அனியவா திகளுவப் பதுகண்டு மடியரேந் துயரடவை தேர்ந்திலையோ?
பனியறா மலர்க் கொன்றையே போலப் பகர வல்லவர் பரிர்தரத் தினவாம்
இனியசொற் கவிபகர் வடலூரா னின்னமே னெழுந் திடப் புரிந் திலையே? - 2
பதம் பிரிக்கப்பட்டது:
கனியைநேர் இதழ்ச்சிவை யோடும்வடி வேல்கந்த வேளொடும் காளையில் திகழ்வாய்
அனியவா திகள்உவப் பதுகண்டும் அடியரேந் துயர்அடவை தேர்ந்திலையோ?
பனியறா மலர்க் கொன்றையே போலப் பகர வல்லவர் பரிர்தரத் தினவாம்
இனியசொற் கவிபகர் வடலூரான் இன்னம் ஏன்எழுந் திடப் புரிந்திலையே?. - 2
============
சினக்கு மால்விடைக் கொடியினைப் புகல்வார் சிந்தைபோற் செயுந் திருவரு ளுடையாய்
அனத்தமீ றலிற் புவிமக ளழுந்தீ தகற்ற நாடுதல றிந்திலை கொல்லோ
கனக்கு நான்மறை நெறிகண் மூவிரண்டுங் கந்தவேண் முககமலமென் றுணரும்
எனக்கோர் நற்றுணை யாம்வடலூரா னின்னமே னெழுந் திடப் புரிந் திலையே? - 3
பதம் பிரிக்கப்பட்டது:
சினக்கு மால்விடைக் கொடியினைப் புகல்வார் சிந்தைபோற் செயுந் திருவரு ளுடையாய்
அனத்தமீ றலிற் புவிமக ளழுந்தீ தகற்ற நாடுதல றிந்திலை கொல்லோ
கனக்கு நான்மறை நெறிகண் மூவிரண்டுங் கந்தவேல் முககமலம்என்று உணரும்
எனக்குஓர் நற்றுணை யாம்வடலூரான் இன்னம் ஏன்எழுந் திடப் புரிந்திலையே?. - 3
============
களப மென்முலை வணிக மின்னொருத்தி கருதுநாளிரு கனிவிரைந் தளித்தாய்
அளகை யாதிபன் போற்கொலைத் தீயோ ரடங்கவாழ் தல்கண் டயர்ந்தன னந்தோ
மிளகை நேரொரு சிறியவண் டெழுந்து விளக்கில் வீழினும் விழிப்புனல் சிந்தி
இளகு நெஞ்சகம் பெறும்வடலூரா னின்னமே னெழுந்திடப் புரிந் திலையே? - 4
பதம் பிரிக்கப்பட்டது:
களப மென்முலை வணிக மின்னொருத்தி கருதுநாள்இரு கனிவிரைந் தளித்தாய்
அளகை யாதிபன் போல்கொலைத் தீயோ ரடங்கவாழ் தல்கண்டு அயர்ந்தனன் அந்தோ
மிளகை நேர்ஒரு சிறியவண்டு எழுந்து விளக்கில் வீழினும் விழிப்புனல் சிந்தி
இளகு நெஞ்சகம் பெறும்வடலூரான் இன்னம் ஏன்எழுந் திடப் புரிந்திலையே?. - 4
============
பானனேர் விழிச்சிறு மியர்தொடரப் பலிக்கொள்வானொரு படுதலை யெடுத்தாய்
வானநாடரும் வியப்புறத் தகுஞ்சீ வழுத்துவார்க்குமுன் வழங்கிலை கொல்லோ
ஊனருந்திடலாமெனக் கொடுபொய் யொருங்கு நானிலத்துற்றவர்க் குணர்த்தும்
ஈனர்நாணுறும் படிவடலூரா னின்னமே னெழுந் திடப்புரிந் திலையே?. - 5
பதம் பிரிக்கப்பட்டது:
பானனேர் விழிச்சிறு மியர்தொடரப் பலிக்கொள்வான்ஒரு படுதலை எடுத்தாய்
வானநாடரும் வியப்புறத் தகும்சீர் வழுத்துவார்க்குமுன் வழங்கிலை கொல்லோ
ஊன்அருந்திடலாம்எனக் கொடுபொய் ஒருங்கு நானிலத்துற்றவர்க்கு உணர்த்தும்
ஈனர்நாணுறும் படிவடலூரான் இன்னம் ஏன்எழுந் திடப் புரிந்திலையே?. - 5
============
பொன்கலாபியை யனையவள்காணப் பொதுவிலாடிய புனிதவா னவனே
நின்கடாட்சமின் றேற்கவியாரு நிகழ்த்திடா ரெனுநியமமாய்ந் ததுவோ
வங்கணாரிகழ்வன பலகேட்டு மானமின்றிநீ மறைந்துறன் முறையோ
வெங்கணா ரசப் படவடலூரா னின்ன மேனெழுந் திடப்புரிந் திலையே?. - 6
பதம் பிரிக்கப்பட்டது:
பொன்கலாபியை அனையவள்காணப் பொதுவில்ஆடிய புனிதவா னவனே
நின்கடாட்சமின் றேற்கவியாரு நிகழ்த்திடா ரெனுநியமமாய்ந் ததுவோ
வன்கணார்இகழ்வன பலகேட்டும் மானம்இன்றிநீ மறைந்துறன் முறையோ
வெங்கணார் அசப் படவடலூரான் இன்னம் ஏன்எழுந் திடப் புரிந்திலையே?. - 6
============
நண்ணினார் சிலர் மகிழ்வுறச் சில்லோர் நலிவுநீத்துயிர் நல்கியநம்பா
கண்ணில்வான் சுடர்மூன்றையுங் கொடுநீகவின் றுளாயெனல் கதைஎனத்தகுமோ
புண்ணிலாவுணவேநரர் பலரும் புசிக்கவேண்டுறும் புனிதமா தவத்தோர்
எண்ணிலார்மிகப்புகழ்வடலூரா னின்னமே னெழுந் திடப்புரிந் திலையே?. - 7
பதம் பிரிக்கப்பட்டது:
நண்ணினார் சிலர் மகிழ்வுறச் சில்லோர் நலிவுநீத்துயிர் நல்கியநம்பா
கண்ணில்வான் சுடர்மூன்றையும் கொடுநீகவின் றுளாய்எனல் கதைஎனத்தகுமோ
புண்ணிலாஉணவேநரர் பலரும் புசிக்கவேண்டுறும் புனிதமா தவத்தோர்
எண்ணிலார் மிகப்புகழ் வடலூரான் இன்னம் ஏன்எழுந் திடப் புரிந்திலையே?. - 7
============
திசையோ ரெட்டுமெண்டோளெனக் கொண்டுதிகழ்மெட்டு மூர்த்திகளுமாமொருவர்
விசையன் கைச்சிலை யடியினுமிந்நாள் விளம்புமுத்தமிழ் வெறுப்பவா யினவோ
வசைவினின்றிரு வருள்வலிக் கடங்கா வாக்கமின்றென வறைதரு மாண்மைக்
கிசையுமெய் யுணர்வுறும் வடலூரா னின்னமே னெழுந் திடப்புரிந் திலையே?. - 8
பதம் பிரிக்கப்பட்டது:
திசைஓர் எட்டும் எந்தோள்எனக் கொண்டுதிகழ்எட்டு மூர்த்திகளுமாம்ஒருவர்
விசையன் கைச்சிலை அடியினும்இந்நாள் விளம்புமுத்தமிழ் வெறுப்புஆயினவோ
வசைவினின்றிதிரு வருள்வலிக் கடங்கா வாக்கமின்றென வறைதரும் ஆண்மைக்கு
இசையுமெய் உணர்வுறும் வடலூரான் இன்னம் ஏன்எழுந் திடப் புரிந்திலையே?. - 8
==========
வாடியேத்திய வானவருய்வான் மலர்க்கணாலழு மடிவில்சங் கரனே
தேடும்பயனெய் துறமையினாற் சிந்தைநொந்துடற் சிதைப்பனென்றவன்முன்
பாடிடுங்கவி யெவண்சகித் தனையோ பழுதிலாவிரு பாலர்பொற் றிலையோ
வீடில்சீர்மலி தரும்வடலூரா னின்னமே னெழுந் திடப்புரிந் திலையே?. - 9
பதம் பிரிக்கப்பட்டது:
வாடிஏத்திய வானவருய்வான் மலர்க்கணாலழு மடிவில்சங் கரனே
தேடும்பயன்எய் துறமையினால் சிந்தைநொந்துஉடற் சிதைப்பனென்றவன்முன்
பாடிடுங்கவி யெவண்சகித் தனையோ பழுதிலாவிரு பாலர்பெற் றிலையோ
வீடில்சீர்மலி தரும்வடலூரான் இன்னம் ஏன்எழுந் திடப் புரிந்திலையே?. - 9
===========
பொதுவி லோர்திருத்தா ளெடுத்தாடும் பொற்பநாடு நர்ப்புணரருட் பொருப்பே
சதுரர் மட்டுமுன் பகர்தமிழினித்த தன்மையாதுனைச் சாற்றுநந் தமிழ்ச்சொன்
மதுரங் கைப்பெனின் மனஞ்சிரி யாதோ வாஞ்சை யாவுமேன் வழங்கிலை யந்தோ
வெதுவு கின்செய லெனும்வடலூரா னின்னமே னெழுந் திடப்புரிந் திலையே?. - 10
பதம் பிரிக்கப்பட்டது:
பொதுவில் ஓர்திருத்தாள் எடுத்துஆடும் பொற்பநாடு நர்ப்புணரருள் பொருப்பே
சதுரர் மட்டுமுன் பகர்தமிழினித்த தன்மையாதுஉனைச் சாற்றுநந் தமிழ்ச்சொல்
மதுரம் கைப்புஎனின் மனஞ்சிரி யாதோ வாஞ்சை யாவும்ஏன் வழங்கிலை அந்தோ
வெதுவு கின்செய லெனும்வடலூரா னின்னமே னெழுந் திடப்புரிந் திலையே?. - 10
============
அனக பூரண மாய கண்டமுமாயா டுமாதியை யைந்தொழிலா னைக்
கனவு நன்னைவொப்ப தென்றுணருங்காத லெய்தியக வின்றிருப் புகழோன்
றனதுசிந்தையின் கிளைநிகர் வடலூர்த் தமிழ்வலான்றனைத் தருகெனப் பகர்பாட்
டுனவலாருளத் தொருங்குவாழருளே யுணருந்தன்மைய துண்மையொன் றுண்டே. - 11
பதம் பிரிக்கப்பட்டது:
அனக பூரண மாய் அகண்டமுமாய் ஆடும்ஆதியை ஐந்தொழிலா னைக்
கனவு நன்னைஒப்ப தென்றுஉணரும்காதல் எய்திஅக வின்றிதிருப் புகழோன்
தனதுசிந்தையின் கிளைநிகர் வடலூர்த் தமிழ்வலான்தனைத் தருகெனப் பகர்பாட்டு
உனவலாருளத் தொருங்குவாழருளே உணருந்தன்மையது உண்மையொன்று உண்டே. - 11
- ஸ்ரீமத் தண்டபாணி சுவாமிகள்
